21. feb. 2019 Kennsla og kennsluhættir í framhaldsskólum

Fyrirlestur frá Ingólfi Ásgeiri Jóhannessyni um kennsluhætti í framhaldsskólum. Mér þykir afskaplega leitt en þessi fyrirlestur fór algjörlega fyrir ofan garð og neðan hjá mér. Ég sat og hlustaði en það fór ekkert inn og stendur því miður ekkert eftir. Þannig að ekki er nú hægt að íhuga mikið um það.

Síðan voru umræðuhópar þar sem fólk var fyrst í sérfræðihópum og ræddi ákveðna grein og fór síðan í þverfaglegan hóp skýrði frá helstu niðurstöðum þessa lesturs. Ég fékk grein Valgerðar S. Bjarnadóttur: Building bridges and constructing walls: Subject hierarchies as reflected in teachers’ perspectives towards student influence: http://netla.hi.is/serrit/2018/framhaldskolinn_brennidepli/04.pdf

(Að byggja brýr og reisa veggi: Stigveldi námsgreina í ljósi viðhorfa framhaldsskólakennara til nemendaáhrifa).

Í greininni eru þetta helstu niðurstöður (tekið úr íslenska úrdrættinum): „Niðurstöðurnar sýna hvernig hugmyndir kennara um áhrif nemenda í ólíkum námsgreinum styðja við og viðhalda hefðbundinni stöðu greina. Svigrúm virðist til að fækka efnisþáttum og fara hægar yfir í stærðfræði á öðrum brautum meðan mikil festa er í hraða yfirferðar og inntaki í stærðfræði á náttúrufræðibrautum. Það sem virðist ekki síst ráða þessu eru fyrir fram mótaðar hugmyndir um skort á getu og áhuga nemenda af öðrum brautum á að læra stærðfræði. Kennarar í öðrum námgreinum en stærðfræði lýsa jafnframt kennsluaðferðum og skipulagi sem felur að einhverju leyti í sér tækifæri fyrir nemendur til að hafa áhrif á það hvað og hvernig þeir læra. Þau áhrif eru mismikil og fela jafnvel í sér ógn við sett námsmarkmið. Sterk og óbreytanleg staða stærðfræðinnar er jafnframt enn greinilegri í ljósi þess hvernig brýr hafa verið byggðar og samfagleg vinna aukin í tungumálum, félagsgreinum og raungreinum. “ http://netla.hi.is/serrit/2018/framhaldskolinn_brennidepli/04.pdf

Ég hef bara ekki mikið við þetta að bæta